هتخسي من غير ما تحسي مع أربع نصائح وعادات من غير دايت ولا حركة كتير

في عادات بسيطة ومريحة لو أتعودنا عليها هتساعدنا في التخسيس و مش محتاجة مننا غير إننا نتعود عليها دي نخليها جزء من يومنا الطبيعي عشان التخسيس مش بس رياضة وحركات صعبة وأكل قليل أو مالوش طعم ، بس أنتي تابعينا

أولا - التنفس

المعدة متقسمة تلت للأكل وتلت للشرب وتلت للنفس، علشان كده التنفس السليم وتمريناته بتقلل الكوليسترول في الدم وتظبط الهرمونات وكمان بتقلل الضغط العصبي وتخزين الدهون، ونقدر نعمل اليوجا كتمرين منفصل بتزود الحرق كمان

ثانيا - افردي ضهرك

راقبي قعدتك لو لاحظتي إن ضهرك محني لازم تفرديه ، سواء بتاكلي أو بتشتغلي أو بتقرأي أو بتتفرجي على التليفزيون، لازم ضهرك يبقى مفرود وأنتي قاعدة، العادة دي بتقلل الكورتيزول في الجسم وبتستهلك طاقة أكتر مما تتخيلي

ثالثا - نشفي الدهون في منديل

كلي مقليات ، بس قبل ما تأكليها نشفيهم في مناديل الطعام، ده مش بيحولهم أكل صحي بس بيقلل السعرات الحرارية فيهم لما يزيل الزيوت الزايدة

رابعا - اقفي

وقت الانتظار أوعي تقعدي، اقفي، الوقوف بيخلي الجسم يحرق 50 سعر حراري في الساعة أكتر من السعرات اللي بيحرقها وهو في وضع الجلوس