النصائح الأربعة لتشجعك على ممارسة الرياضة

أكثر الناس بتهمل في ممارسة الرياضة رغم أنهم عارفين مدى أهميتها وفوايدها  للجسم،
زى أنها بتحافظ على الرشاقة وتخلص من الدهون الزايدة فيه وكمان حمايته من الإصابة بالأمراض الخطيرة والسكتات الدماغية وغيرها، علشان كده جبنالك أربع نصائح تشجعك على الممارسة

- استعدي بالملابس المناسبة للتمارين

اختيار ملابس قطنية مريحة تساعدك على أداء التمارين من غير إصابات، لان كتير ويفتكروا أنهم ممكن يتصابوا في كل مرة يتمرنوا فيها، ده غير وارد إلا في بعض الحالات النادرة، لكن ارتداء ملابس مناسبة بيساعدك تتجنبي الإصابات المحتملة وتكون حافز ليكي للاستمرار

- وضع تحديات أسبوعية وتحديد الهدف

ممكن تحسي في بداية ممارستك للتمارين بأنها ثقيلة عليكي وتنفيذها صعب، لكن ممكن تحطي تحديات لنفسك، زى أن مثلًا تختاري حد من المشاهير أو صحابك الرياضيين وتقرري تبقي زيه ،

 ويكون التحدي لفترة قصيرة ممكن أسبوع مثلًا وتشوفي حققتي إيه منه

- البدء في الرياضة المناسبة ليكي

الأشخاص اللي بيعانوا من البدانة المفرطة بيكون صعب عليهم ممارسة الرياضة، لكن المشي يعتبر من بسيط وسهل ومش بتحتاج مجهود كبير، المهم تختاري ملابس مناسبة وتمشي في خطوات محسوبة ومنتظمة

- استخدام تطبيقات الرشاقة

التكنولوجيا بقت جزء مهم جدًا في حياتنا وبقى دلوقتي ممكن تستخدمي تطبيقات تساعد على الالتزام عن طريق تنزليها على الموبايل وتعرفي منها الطريق المناسب للجري أو تحسبي المسافة اللي مشيتيها، أو اختيار نوع التمرين المناسب ليكي وغيرها من المعلومات الهامة والمفيدة