5 مشروبات موجودة في كل بيت تساعدك علي حرق دهون الجسم

5 مشروبات موجودة في كل بيت تساعدك علي حرق دهون الجسم

معظمنا بعد تناول الوجبات الدسمة بنحتاج لمشروبات تهضم الأكل وفي نفس الوقت تحرق الدهون، علشان كده هنقولك على مجموعة من المشروبات دي سهله وبسيطة وموجودة في كل بيت

1- الميه

أول المشروبات اللي ننصحك بيها
فيفضل تشربي حوالي 8 كوبايات طول اليوم، لأنه بيحسن من حركة الدورة الدموية وبيعزز من دور الكلى والكبد وبالتالي بيمنع تراكم الحصوات وبيخلص الجسم من السموم وبيمنع ترسب الأملاح الزايدة ويساعد على حرق الدهون وبيدي أحساس بالشبع

2- الزنجبيل

من المشروبات اللي ليها قدرة هايلة على حرق الدهون لأنه بيحسن من عملية الهضم وبيساعد بشكل كبير على خسارة الوزن، بسبب رفع معدلات حرق السعرات الحررية وزيادة معدل التمثيل الغذائي في الجسم كمان هو مشروب هاضم وبيقلل من إحساس امتلاء وانتفاخ البطن

3- الليمون

من المشروبات الحارقة للدهون، لأنه يعتبر حامض غني بفيتامين "ج"، وحمض الأسكوربيك اللي بيطردوا السموم من الجسم وبيمنعوا تراكم الدهون عليه، ممكن تشربيه كمشروب دافي أو تضيفي النعناع أو تعصريه على السلطة

4- الشاي الأخضر

يعتبر من المشروبات اللي بتحرق الدهون في الجسم وبتساعد على إنقاص الوزن الزايد، كمان بيحتوي على مواد مضادة للأكسدة اللي بتحمي الجسم من أمراض القلب والسرطان

5- شوربة الخضار

من الأكلات المفيدة للجسم وبتحتوي على سعرات حرارية قليلة، كمان الخضار الموجود في الشوربة غني بالألياف اللي بيسهل من عملية الهضم، وبالتالي بتساعد على حرق الدهون ومنع زيادة الوزن