تحويل المسار كل المعلومات عن عمليات ( تحويل المسار )  للتخسيس 

 

اشهر وأقدم عمليات التخسيس هي عملية تحويل المسار رغم إنها محتاجة جرأة منك !!

يعني إيه تحويل المسار؟

يقوم الجراح بتقسيم المعدة جزئينن نص علوي صغير ونص سفلي كبير
وبيوصل النص العلوي ده بالأمعاء الدقيقة بحيث إن الأكل ينزل من المعدة على الأمعاء مباشرة من غير هضم ولا امتصاص للسعرات الحرارية

مزايا العملية

* خسارة الوزن بسبب العملية دي تبقى سريعة جدا يعني المريض بيخسر 50% من وزنه في أول 6 شهور والنزول بيستمر لمدة سنتين بعد العملية

* أي أمراض ناتجة عن السمنة زى السكر الضغط العالي الكوليسترول المرتفع وغيرها بيتعالجوا بمجرد خسارة المريض نسبة من وزنه

* نتايج العملية دي على المدى البعيد كويسة والمريض بيفضل وزنه خفيف حتى بعد 10 سنين من إجرائها

عيوب تحويل المسار

* يحصل مع العملية سوء تغذية ونقص عناصر نتيجة إن الأكل مش بياخد وقت للهضم ويتصرف على طول على الأمعاء

* قلة الكالسيوم والحديد بيسببوا أنيميا

* مع العملية دي لازم ينحط نظام غذائي صحي جدا فيه عناصر متكاملة والمريض بياخد مكملات غذائية في شكل أقراص

* بسبب تغيير نظام الهضم في الجسم المريض بيعاني من الانتفاخ والتعرق والضعف العام والإسهال والأعراض دي عادة وتحصل نتيجة أكل سكريات أو نشويات

* عملية تحويل المسار عادة مش بتتصلح ولا تتعدل إلا في حالات نادرة

الأخطار

* العملية دي اخطر من غيرها وممكن تسبب تجلط في الدم أو فتق يحتاج عمليات ثانية لعلاجه

* بسبب النزول السريع في الوزن ممكن الجسم يتعرض لتعب في بعض الأعضاء أو الإصابة بحصوات المرارة