بالون المعدة كل المعلومات عن عمليات ( بالون المعدة ) للتخسيس 

ناس كتير بتحب تلجأ للبالون على أساس انه آمن ومضمون أكتر من الجراحات الثانية

تعالي نعرف إيه هو: بالون المعدة

هو كورة من السيليكون المرن بتدخل المعدة عن طريق المنظار من الفم وبتملى المعدة علشان الشخص يحس بالشبع دايما

العملية بتتم في حوالي 15 دقيقة ويخرج المريض منها في نفس اليوم

بعد 6 شهور من الجراحة بيتم إزالة البالون من المعدة منعًا من انه يتحلل أو يسبب مشاكل في المعدة

إيه مزايا البالون ؟

في الغالب بينصح به الدكاترة للمرضى اللي عايزين يعملوا جراحة ولازم وزنهم ينزل قبلها بسرعة
 أو للأشخاص اللي جربوا الدايت والرياضة ولم يصلوا للنتيجة المرغوبة أو يتمكنوا من الحفاظ على الوزن اللي خسروه

كمان يعتبر مش جراحة عكس العمليات التانية، لانه مش بيحتاج فتح ولا جروح

مع البالون المريض بيخس من 20 – 30 % من وزنه

إيه عيوب البالون ؟

نزول الوزن مع البالون بيعتمد على طبيعة الجسم والفروق الفردية من مريض للتاني

في الغالب المريض ممكن يحس بالانتفاخ أو الغثيان والقيء في أول ايام العملية نتيجة وجود جسم غريب في المعدة
 وممكن يبقى إحساس بالتقل في البطن أو على الضهر فيسبب ألم في الضهر أو البطن

بعد إزالته المعدة بترجع لحجمها الطبيعي وده ممكن يسبب زيادة وزن لأن الشخص هيرجع  يأكل بكميات أكبر

الأخطار

مفيش خطر مع إدخال البالون إلا لو حصل إهمال أثناء العملية

الخطر الوحيد بيبقى بعد إزالة البالون وده بيحصل عن طريق تصغير حجمها تمامًا وخروجها من الفم زي ما دخلت

 لكن الخطر إنها ممكن تخزن تحتها عصارة هضمية تعمل قرح في المعدة