خسي وأنتي بتعملي شغل البيت 

شغل البيت من الحاجات الصعبة اللي بتطلب وقت وجهد كبير لكن برغم صعوبة التنظيف إلا إنه ممكن يساعد في التخلص من الوزن الزايد في جسمك وتحرقي كثير من السعرات الحرارية
 ومن الأعمال المنزلية اللي هتساعدك تخسي

1- غسل الأطباق

كتير من البنات مش بتحب غسيل الأطباق لكن لو عرفت إن ليها قدرة على حرق من 49 إلى 58 سعر حراري لمدة 30 دقيقة متوقفة كمان على كمية الأطباق اللي هتغسليها أكيد رأيها هيتغير

2- الكنس

مهم جدًا تكنسي بيتك بشكل منتظم عشان تنضفيه من التراب المتراكم على الأرض والسجاجيد وتحافظي على البيت نضيف، والكنس بيحرق من 87 إلى 102 سعر حراري لمدة 30 دقيقة

3- التنضيف بالمكنسة الكهربائية

التنضيف لمدة 30 دقيقة بالمكنسة ممكن يحرق الدهون في أي مكان بالجسم ما بين 94 إلى 111 سعر حراري

4- تنضيف التراب من الأثاث

لو لاحظتي الأثاث في بيتك فيه تراب، لازم تنضفيه ده كمان بيساعد على حرق من 57 إلى 66 سعر حراري في 30 دقيقة

5- تنضيف أرضة النوم
بيساعد على حرق السعرات الحرارية في الجسم كله بين 189 إلى 223 سعر حراري في 30 دقيقة متوقفة على شدة التنضيف

6- تنضيف الحمام
بيساعد على حرق دهون في أي جزء بالجسم ما بين 106 إلى 124 سعر حراري في 30 دقيقة